Dildagi satrlar

[albatros]

Ўкинма...
Кетарман ернинг бағрига
Ўкинма
Ортингдан абад қолмадим.
Дунёда кўп сирни етдим тагига
Мен фақат Одамни тушунолмадим...

Асқар Маҳкам

[Nigora Umarova]

menga taskin emas menga so‘z kerak
turarkan soyadek chayqalib zero
xotirotning g‘arib maskani

menga taskin emas menga so‘z kerak
xanjarday keskirmas gul kabi oddiy
quyoshday ulug‘vor xayolday mag‘rur

menga taskin emas menga so‘z kerak
bu sovuq fasldan yo‘qkan omonlik
hali xasta ekan bu zaif yurak

menga taskin emas menga so‘z kerak
shamollar poyiga yiqilsa sabr
xazonday to‘kipsa bu azal qo‘rg‘on

asrlardan buyon bu tashna qabr
xaloskor bir so‘zni kutarkan intiq
menga taskin emas menga so‘z kerak.

Jabbor Eshonqul

[Знакомый]

Трудно замыслы божьи постичь, старина,
Нет у этого неба ни верха, ни дна.
Сядь в укромном углу и довольствуйся малым:
Лишь бы сцена была хоть немного видна!
Омар Хайям.

[Знакомый]

Чтоб мудро жизнь прожить, знать надобно немало.
Два важных правила запомни для начала:
Ты лучше голодай, чем что попало есть,
И лучше будь один, чем вместе с кем попало.


Омар Хайям.

[Nigora Umarova]

БОЗОР

Бугун ҳам пул эмас, Нур излаб чиқдим,
Нигоҳларим тоза – кўзимда кир йўқ.
Яна назари оч тўпга йўлиқдим,
Одамман деган кўп, юзида нур йўқ.

Қандай юрак очай юраксизларга,
Наҳот, шуларни деб тўкмоқчиман тер?
Ёрдам бергим келар маҳбус сўзларга,
Гаплар осмондадир, пойгакларда Шеър.

Яшаш ҳадисини билмасман, балки,
Инсонлик илмидан олурман таълим.
Ҳалолликдан сабоқ берарми ёки
Ўзи амал қилмас Ҳаётмуаллим?

Тошларни чайнашга темир тишим бор,
Чўкиб кетмасликка топарман қудрат.
Меншунослар билан нима ишим бор,
Бу йўлдан кўз юмиб ўтгум йўқ фақат..

Бекзод Фазлиддин

[Nigora Umarova]

Онангнинг эгнига камзул бўлмаса –
Ҳар дайди шамолдан асраб тургани,
Отангнинг қўлига омбур бўлмаса –
Ёғочлардан нобоп мих суғургани,

Синглингга сарупо, сеп йиғилганда
Фойдаси тегмаса чит кўйлакчалик,
Ташвишлар укангга зўрлик қилганда,
Ҳимоя этмаса бир билакчалик,

Лаббай, деб келмаса ғовларни ёриб,
Мунаввар тонгларга йўргак бўлмаса,
Ғанимнинг кўзини ўймаса бориб,
Эгилган элингга тиргак бўлмаса...

Шу шеърни тўқимай турганинг яхши,
Ҳар сатри қонингдан ўтмагунича,
Шу шеърни ўқимай турганинг яхши,
Оламни хотиржам этмагунича...

Бекзод Фазлиддин

[albatros]

Bugun bahorning ilk kuni.Bugun yangi fasl, yangi oy boshlandi. Bugun O'zbek she'riyatida, o'z she'rlari ila muxlislari qalbida bahor tarovvatini kuylagan, muhabbat, vafo timsolidan saboq berib ketgan shoira - Zulfiya tavallud topgan kun.

Yana bahor hokim(Zulfiya):



Video muallifi: Oybek Nuriddin

[Nigora Umarova]

Дил — ғамин, хотир — хазин, толеъ — қаро, пешона — шўр,
Қўл — қуруғ, матлаб — узоқ, душман — яқин, жонона — дур*.
Ёр — толиб, ишқи — ғолиб, хасб — монеъ, сабр — оз,
Даҳр — пуркулфат, жафо — кўб, лутф — кам, раҳмат — вўфур.
Зод — ақал, сенсиз — касал, ҳажми ҳаво — тавли амал,
Юз — таалуқ, минг — илал, ғам — бениҳоят, ғусса — зўр.
Ич — тугун, ҳолат — забун, ҳосил — ҳавас, савдо — жабун,
Йўл узун, аъдо — фузун, этмак — гумон, кетмак — зарур.
Умр — густу пеша суст, хавф — Ҳотам, ғам — нўхуст,
Ел — кучук, юк — нодуруст, водий — хатар, аз ман футур.
Феъл — чаб, ғафлат — ажаб, ғусса — маишат, ғам — тараб,
Тил — сучук, сар — мунқалиб, зоҳир — вараъ, ботин — фужур.
Чашм — тар, рухсора — зар, хуни жигар — оҳи саҳар,
Кош, бул фан бирла, Оллоёр музтар бўлса кўр.

Сўфи Оллоҳёр

[bekww]

Сообщение от albatros

Yana bahor hokim(Zulfiya):

Зульфия - Сени куйлайман ҳаёт

[Nigora Umarova]

Yevropa

Muhabbat atalgan bir his bor edi,
Uni deb qavmlar bir-birin yegan.
Julyetta ismli bir qiz bor edi,
Bir yigit bor edi Romeo degan.

Bor edi muhabbat atalmish qo'rg'on,
Uchib kirolmasdi chivin ham hatto.
Sovg'asin Yagoning qo'lida ko'rgan,
Bo'g'ib qo'ya qolgan juftin Otello.

Endi bu yurtlarda dunyo teskari,
Muhabbat hislari badar ketganlar.
Jannatni madh etib yurganlar bari,
Jahannam komiga borib yetganlar.

Xo'roz xo'roz bilan o'tkazsa to'yin,
Buqalar buqa deb ipini uzsa,
Bu qanday tomosha, bu qandayin o'yin,
Sigirlar sigirga ko'zini suzsa.

Inson mukarramdir unutma aslo,
Sha'niga yomon gap to'qima , bolam.
Bu she'rni bir o'zing o'qiding, ammo
O'qima birovga, o'qima, bolam.

Abdulla Oripov