Нимага саводсизлашиб кетаяпмиз?

[Shokirbek]

Назаримда бу ердаги хато жичча ("марҳамат" сўзининг имловий хатоси)дан кўра сал жиддийроқ. "Марҳамат"нинг ўрнига ё "лутфан" ёки "марҳамат қилиб" қўйилиши керак.

[Kadambay Saytov]

Сообщение от Shokirbek

Назаримда бу ердаги хато жичча ("марҳамат" сўзининг имловий хатоси)дан кўра сал жиддийроқ.

Афсуски у ерда "Марҳамал" ёзилган эканда.

[Masud Mahsudov]

Сообщение от Kadambay Saytov

Афсуски у ерда "Марҳамал" ёзилган эканда.

"марҳамат" сўзининг имловий хатоси" deganda Shokirbek aka "marhamal" yozilganini nazarda tutmoqdalar, buni yusunish qiyin emas-ku...

[dili]

Сообщение от Shokirbek

Масалан, тўртинчи синфдан ҳафтасига бир соатгина дарсликка киритилиб, ҳарф ўргатилиб, мумтоз адабиётимиз намуналаридан бериб борилса, кифоя, 3-4 йил ичида болаларимиз ўзбек тилидаги барча сўзларни ўзаклари билан, келиб чиқиши билан ўрганиб олишади. Бунинг натижаси ўлароқ кирилл ва лотинда ҳам бехато ёзадиган бўладилар.

Сизга гапириш осон. Бир соатгинани олиш учун аввало ўқув режадан бошқа бир фаннинг бир соатини олишингиз керак. сизнингча бу қайси фан. Гап бир соат бундай дарснинг киритилишида эмас. Биз ўқиган даврда бундай бир соатли дарслар йўқ эди, лекин ҳозирги замон ўқувчиларига нисбатан биз мумтоз адабиётни яхши биламиз. Гап ҳозирги замон ўқувчисининг нимани танлашига боғлиқ. Четдан кириб келаётган ахборот оқими жуда катта. Сиз мажбурлаб ўқитсангиз ҳам, ўқувчининг қизиқиши ва давр талаби сизнинг мажбурий дарсларингизни нолга чиқариши мумкин. Бу менинг шахсий фикрим.

[Nigora Umarova]

Сообщение от dili

Сизга гапириш осон. Бир соатгинани олиш учун аввало ўқув режадан бошқа бир фаннинг бир соатини олишингиз керак. сизнингча бу қайси фан. Гап бир соат бундай дарснинг киритилишида эмас. Биз ўқиган даврда бундай бир соатли дарслар йўқ эди, лекин ҳозирги замон ўқувчиларига нисбатан биз мумтоз адабиётни яхши биламиз. Гап ҳозирги замон ўқувчисининг нимани танлашига боғлиқ. Четдан кириб келаётган ахборот оқими жуда катта. Сиз мажбурлаб ўқитсангиз ҳам, ўқувчининг қизиқиши ва давр талаби сизнинг мажбурий дарсларингизни нолга чиқариши мумкин. Бу менинг шахсий фикрим.

O'quvchini majburlab emas, qiziqtirib o'qitish kerak. O'qituvchilik davrim mobaynida eng ashadddiy to'palonchi sinflarni menga berishardi. Hamma bu sinflardan dod derdi, bolalar ko'p darsga qatnashishmasdi. Sinfga dars o'tish jarayonimda o'quvchilar darsdan qochmaydigan, hatto qo'liga kitob olib o'qimaydiganlari o'qiydigan darajaga yetishishdi. davrga mos ravishda o'rta asrlardagi voqelikni hozirgi davrga solishtirib, o'quvchilarni taqqoslashga o'rgatib dars o'tish orqali, ularni fikrlarini to'g'ri yo'naltirilsa ko'p narsaga erishish mumkin.
Agarda o'qituvchining o'ziga nisbatan ishonch bo'lmasa, albatta, darslari nolga chiqadi.

[Mahmud Jurat]

Ўқитувчилик бу санъаткорлик. Аммо унинг биринчи ўринда иш қуроли, шулардан бири дарслик яхши ёзилган бўлиши керак. Мен биринчи синф Алифбеси ҳақида неча маротаба масала кўтараяпман, натижасиз қолаверса керак. Ахир Алифбедаги хатоларни тузатмай туриб қандай қилиб саводхонлик ҳақида гаприш мумкин. Алифбедаги зағчани (56б.) зоғчага айлантирмай туриб (билмадим, вазирлар мақкамасининг алоҳида бирор ҳужжати билан айтайлик заҳча, аллоҳ, ман... адабий нормада зоғча, Оллоҳ, мен, ва бошқа шунга ўхшаш сўзларнинг шундай ёзилишлари қонуний жорий қилинмаганлигини айтаяпман) ёки ҳозирги амалдаги адабий тил нормалари ҳақидаги қонун қоидаларни ўзгартирмай туриб бирор дурустроқ натижага эришиш мумкин эмас.

[Nigora Umarova]

Сообщение от Mahmud Jurat

Мен биринчи синф Алифбеси ҳақида неча маротаба масала кўтараяпман, натижасиз қолаверса керак. Ахир Алифбедаги хатоларни тузатмай туриб қандай қилиб саводхонлик ҳақида гапириш мумкин....
....ёки ҳозирги амалдаги адабий тил нормалари ҳақидаги қонун қоидаларни ўзгартирмай туриб бирор дурустроқ натижага эришиш мумкин эмас.

Домла, бу борада Тил ва адабиёт институтига мурожаатнома ёзиб чиқинг, тилшунос олимларга фикрингизни далиллаб беринг. Имло луғати юзасидаги қоидаларга ўзгартириш киритишади. Алифбе дарслигидаги хатоликлар юзасидан Республика ўқув методика Марказига мурожаат қилинг. Балки натижага эришарсиз....

[Mahmud Jurat]

Сообщение от Nigora Umarova

Алифбе дарслигидаги хатоликлар юзасидан Республика ўқув методика Марказига мурожаат қилинг. Балки натижага эришарсиз....

Кўпчилик мана шу маслаҳатни бераяпти.Нимага бу масалани бурчакма бурчак ҳал қилиш керак. Нимага мен ёки бошқа бир киши фалон идорага хат ёзишимиз керак. Мен хат билан чиқсам менга уларнинг қандай қарашини биламан. Нима, тил ва адабиёт институти ходимлари алифбедаги хатоларни билмайдими? Марказ масаласига келсак, уларнинг тарафкашликларда қатнашганликларини айтиб беришди. Алифбе ёзилиши ва мана шу вариант қабул қилинишига улар ён босишган экан. Энди мен хатоларни кўрсатиб бирон қоғоз олиб борсам уларнинг қандай муносабатини тасаввур қилиш қийин эмас. Нимага "Маърифат" газетаси Алифбе ва унинг хатолари ҳақида мақола беришдан бош тортади. Масала биз ўйлагандан анча ғализроқ.

[Shokir Dolimov]

Сообщение от Mahmud Jurat

ман...

Алифбеда-я?!
Фараз қиляпсиз-ми, ўша алифбе ёзганлар ҳақига нималар ўқиганимни?

[Mahmud Jurat]

Сообщение от Shokir Dolimov

ўша алифбе ёзганлар ҳақига нималар ўқиганимни?

Билмадим нималар ўқигансиз. Мен яқинда неварам билан бирга Алифбени тугатдим. Бу китобдаги хатоларни биринчи синф боласи ҳам қилмаса керак. Мана мисол. Неварам билан НГ лотинда (NG) мана шу товушни ўқиётган неварам бир пайти танг ааа, деб турипти. Мен танга эмас, ТАНГ ГА, деб талаффуз қилинг, дедим. Неварам ўзингиз нг бир товуш деб айтдингизку, бу ерда иккинчи Г йўқку деди. Нима дейишимни билмай қолдим, Мана сизга биринчи синф боласининг китоб муаллифларининг хатосини тўғрилаши. Бундай хатолар ушбу китобда жуда кўп. Мен саҳифама саҳифа келтиришим мумкин. Масалан китоб муаллифлари ушбу китобда (Ғафур) исмни бир китобда бўлишига қарамасдан уялмасдан бир неча шаклда ёзаверишган. Бу ҳам майли, мен неварамга бобоси Темирнинг исмини ҳам ёлғон айтиб овутдим. Ахир у рус, араб ва бошқа хорижий тилларда темир сўзининг қандай ёзилишини билмаганидан темирни биламан, унда темур нима деб сўраса бўладими.У қаёқдан билсин бобоси Темирнинг исми ҳам сиёсатлашиб кетганини. Мана шунақа гаплар.
Ушбу мисоллардан кейин тасаввур қилсангиз керак, яна бир неча йиллардан кейин қандай саводхонлар жамиятимизга кириб келишини. Унда ҳозиргиси ҳолва кўриниб қолади, чоғи.